Dövlət Miqrasiya Xidmətinin yeni hesabatına görə, 2020-ci ilin yanvar-fevral aylarında Azərbaycana gələnlərin sayı ötən ilin eyni dövrü ilə müqayisədə 17 faiz artıb.

Olduğu yer üzrə qeydiyyata alınan əcnəbilərin sayında 0,4 faiz, müvəqqəti yaşamaq icazəsi üçün müraciət edənlərin sayında 29 faiz yüksəliş olduğu bildirilir.

Rəsmi statistikaya əsasən, daimi yaşamaq icazəsi üzrə 13 faiz, iş icazəsi üzrə 16 faiz, vətəndaşlıq mənsubiyyətinin müəyyən edilməsi ilə əlaqədar 23 faiz artım var.

Geri qayıdan şəxslərin sayının 52 faiz artdığı, qaçqın statusu almaq üçün müraciət edən əcnəbilərin sayının 3,4 dəfə azaldığı vurğulanır.

Qeyd olunur ki, 2019-cu ildə ölkəyə gələn əcnəbilərin sayında 2018-ci illə müqayisədə 11 faiz artım rəsmiləşib.