Xətai ziyarəti
Martın 2-də prezident İlham Əliyev Şah İsmayıl Xətainin heykəlinin köçürüldüyü yeni salınmış parkda olub.
AZƏRTAC xəbər verir ki, park Mərkəzi Neftçilər Xəstəxanasının yanında yerləşir.
Şah İsmayıl Xətainin heykəli iki magistral yolun ortasında yerləşirdi. Dövlət başçısının tapşırığına əsasən, heykəl uyğun yerə köçürülüb və burada yeni park salınıb.
Heykəlin postamenti də yenilənib, köçürülmə abidəyə heç bir xələl gətirilmədən həyata keçirilib.
Arayışa görə, Xətainin heykəlinin yerinin dəyişdirilməsi Nizami küçəsi ilə Sabit Orucov, Mehdi Mehdizadə küçəsi ilə 28 May küçəsi istiqamətində yolları birləşdirən nəqliyyat qovşağının yaradılmasına şərait yaradır.
