Roma ziyarəti
Prezident İlham Əliyev İtaliyadadır. Fevralın 19-da dövlət səfərinə gedən prezidenti və xanımı Mehriban Əliyevanı Romanın “Fiumicino” aeroportunda Xarici İşlər və Beynəlxalq Əməkdaşlıq Nazirliyinin dövlət katibi, İtaliyanın Azərbaycandakı səfiri, Xarici İşlər Nazirliyinin Diplomatik Protokol İdarəsinin rəis müavini və digər rəsmi şəxslər qarşılayıb.
İlham Əliyev həmin gün “Villa Borghese” parkında Azərbaycan şairi və mütəfəkkiri Nizami Gəncəvinin abidəsini ziyarət edib.
Abidə Heydər Əliyev Fondunun dəstəyi ilə 2012-ci ilin aprelində ucaldılıb.
