Azərbaycan səyahət üçün təhlükəsizlik reytinqində
Turist səyahətlərinin sığortası üzrə ixtisaslaşan “İnsurly” qurumu (Fransa) təhlükəsizlik reytinqi açıqlayıb. Novator.az-ın məlumatına görə, siyahı tərtib olunarkən səhiyyə xidmətinin səviyyəsi, zorakı cinayətlər statistikası, təbii fəlakət və terror ehtimalı kimi meyarlar nəzərə alınıb.
Azərbaycan 180 ölkə arasında 52-ci yerdə gedir.
Estoniya 15-ci, Litva 43-cü, Latviya 45-ci, Özbəkistan 46-cı, Belarus 48-ci, Türkmənistan 60-cı, Moldova 66-cı, Gürcüstan 68-ci, Türkiyə 69-cu, Qazaxıstan 71-ci, Ermənistan 72-ci, Ukrayna 83-cü, İran 84-cü, Rusiya 86-cı, Tacikistan 93-cü, Qırğızıstan 106-cı pillədədir.
Səyahət üçün ən təhlükəsiz ölkələr siyahısına İsveçrə başçılıq edir. İlk beşlikdə Sinqapur, Norveç, Lüksemburq və Kipr də yer alır.
Ən təhlükəli ölkə kimi Cənubi Sudan göstərilir.
