Orta maaş 634 manatı ötüb
2020-ci il fevralın 1-nə iqtisadi fəal əhalinin sayı 5 milyon 188,9 min nəfər olub, onların 4 milyon 937,3 min nəfərini məşğul əhali təşkil edib. Novator.az-ın məlumatına görə, Dövlət Statistika Komitəsi yanvarın 1-nə muzdla işləyənlərin sayını 1 milyon 645,4 min nəfər göstərir: “2019-cu ilin sonuna muzdla çalışan işçilərin orta aylıq nominal əməkhaqqı 2018-ci ilə nisbətən 16,6 faiz artaraq 634,8 manata çatıb”.
Rəsmi hesabata əsasən, fevralın 1-nə məşğulluq xidməti orqanları 86,2 min nəfəri işsiz kimi qeydə alıb, işsizlikdən sığorta ödənişinin orta məbləği 295,6 manat olub.
2019-cu il ərzində ölkədə 192 min yeni iş yerinin açıldığı, 9,4 min iş yerinin bağlandığı vurğulanır.
