Rusiya: harada yaxşı yaşayırlar?
Rusiya bölgələrinin həyat keyfiyyəti üzrə reytinqi açıqlanıb. Novator.az-ın məlumatına görə, “RİA Novosti” agentliyinin 2019-cu ilə dair hesabatı əhalinin gəlirləri, məşğulluq və əmək bazarı göstəriciləri, mənzil şəraiti, təhlükəsizlik, demoqrafik vəziyyət, ekoloji durum və iqlim şəraiti, sağlamlıq və təhsil, sosial infrastruktur, iqtisadi inkişaf səviyyəsi, kiçik biznesin inkişaf həddi, məskunlaşma və nəqliyyat infrastrukturunun inkişafı meyarlarına əsaslanır.
Reytinq cədvəlinin ilk pillələrində paytaxt Moskva, Sankt-Peterburq şəhərləri və Moskva vilayəti dayanır.
İlk onluqda Tatarıstan Respublikası, Belqorod vilayəti, Krasnodar diyarı, Voronej, Leninqrad, Kalininqrad vilayətləri və Xantı-Mansı Muxtar Mahalı da yer alır.
Həyat keyfiyyəti reytinqinin son pillələrində Şimali Osetiya, Buryatiya, Kalmık, İnquşetiya və Altay respublikaları, Kurqan vilayəti, Zabaykalye diyarı, Yəhudi Muxtar Vilayəti, Qaraçay-Çərkəz və Tuva respublikaları göstərilib.
Səidə Hüseynova
