Turizm: gedən gələndən çoxdur
2020-ci ilin yanvarında Azərbaycana 136 ölkədən 226,2 min və ya 2019-cu ilin ilk ayı ilə müqayisədə 18,1 faiz çox əcnəbi gəlib. Novator.az-ın məlumatına görə, Dövlət Statistika Komitəsi Sərhəd Xidmətinə istinadla bildirir ki, gələnlərin 30 faizi Rusiya, 28,2 faizi Gürcüstan, 10,6 faizi Türkiyə, 5,8 faizi İran, 3,2 faizi Səudiyyə Ərəbistanı, 2,3 faizi Birləşmiş Ərəb Əmirlikləri, 2,1 faizi Hindistan vətəndaşları, qalanları digər ölkələrin təmsilçiləri və vətəndaşlığı olmayan şəxslərdir.
Hesabata əsasən, ötən ay xarici ölkələrə gedən Azərbaycan vətəndaşlarının sayı 2019-ci ilin yanvar ayı ilə müqayisədə 21,5 faiz artaraq 433,7 min nəfər olub. Yola çıxanların 38,1 faizi İrana, 29,9 faizi Gürcüstana, 16,8 faizi Rusiya Federasiyasına, 9,7 faizi Türkiyəyə, qalanları digər ölkələrə səfər edib.
