Qəza statistikası
2019-cu ildə Azərbaycanın avtomobil yollarında 1870 və ya 2018-ci illə müqayisədə 2,9 faiz çox yol-nəqliyyat hadisəsi baş verib. Dövlət Statistika Komitəsi bildirir ki, hadisələr nəticəsində 821 nəfər həlak olub, 1702 nəfər xəsarət alıb. Həlak olanların 77,6 faizi kişilərdir.
Rəsmi hesabata əsasən, hadisələrin 43,6 faizi nəqliyyat vasitələrinin və piyadaların, 33,7 faizi bir neçə nəqliyyat vasitəsinin, 22,7 faizi bir nəqliyyat vasitəsinin iştirakı ilə baş verib.
İl ərzində yol hərəkəti qaydaları əleyhinə aşkarlanmış inzibati xətaların sayı 3 milyon 999,1 min göstərilir, qaydaların pozulmasına görə 119 milyon manat məbləğində cərimələr tətbiq edildiyi vurğulanır.
