Ölənlərin sayı 1368-ə çatıb
Çində 2019-cu ilin dekabr ayından yayılan koronavirus xəstəliyinin gətirdiyi itkilər davam edir. Novator.az bildirir ki, ölkənin Gigiyena və Səhiyyə Məsələləri Komitəsinin fevralın 13-də yaydığı rəsmi məlumata görə, ölənlərin sayı 1368-ə çatıb.
İndiyədək 59,8 min nəfər xəstənin qeydə alındığı vurğulanır.
Pnevmoniyanın bir növü olan xəstəliyə başqa ölkələrdə də yoluxanlar var. Honkonq və Filippinin hər birində 1 nəfər koronavirus qurbanı olub.
Azərbaycanın Nazirlər Kabineti sərhəd-keçid məntəqələrində gücləndirilmiş iş rejiminə keçilməsi; Çindən, xüsusilə epidemiya zonasından ölkəyə gələn bütün şəxslərin mütləq şəkildə ciddi tibbi müayinədən keçirilməsi və nəzarət altına alınması; xüsusi riskli hesab olunan və virusun keçə biləcəyi ərzaq məhsullarının siyahısının hazırlanması və ərzaq bazarında həmin məhsullara nəzarətin gücləndirilməsi barədə qərarlar qəbul edib.
