“Kanal 13”ün direktorunun məhkumluğu ləğv edildi
“Kanal 13” internet televiziyasının direktoru Əziz Orucovun (Əziz Qaraşoğlu) üzərindən məhkumluq götürülüb.
Novator.az bildirir ki, qərar fevralın 11-i Bakı Apellyasiya Məhkəməsində çıxarılıb.
Əziz Orucov 2017-ci il mayın 2-də tutulub. Əvvəlcə o, polisə müqavimətdə təqsirli bilinərək 30 sutka inzibati həbs cəzası alıb. İnzibati həbsin sona çatmasına az qalmış Baş Prokurorluğun Ağır Cinayətlərə Dair İşlər üzrə İstintaq İdarəsində ona cinayət işi başlanıb, haqqında həbs qətimkan tədbiri seçilib. Dekabrın 15-də Bakı Ağır Cinayətlər Məhkəməsi jurnalisti dövlət qeydiyyatına alınmamış qrant vəsaitlərindən külli miqdarda qanunsuz gəlir əldə etməkdə təqsirli bilərək 6 il müddətinə azadlıqdan məhrum edib.
Bakı Apellyasiya Məhkəməsinin qüvvədə saxladığı bu hökmü Ali Məhkəmə 2018-ci il aprelin 5-də dəyişib. Əziz Orucovun cəzası 6 ildən 3 ilə endirilib, eyni zamanda onun cəzasının qalan hissəsi şərti həbslə əvəz olunub. Nəticədə Əziz Orucov azad edilib.
Azadlığa çıxandan sonra Əziz Orucov şərti cəzanın ləğv edilməsi və onun üzərindən məhkumluğun götürülməsi xahişi ilə Nəsimi Rayon Məhkəməsinə müraciət edib. Ancaq məhkəmə jurnalistin iddiasını təmin etməyib.
Əziz Orucov qərardan apellyasiya şikayəti verib. O bildirib ki, qərar qərəzli və ədalətsizdir, “Kanal 13”ün obyektiv fəaliyyətinə görə qisas almaq məqsədi güdür.
Əziz Orucovun şikayətinə Bakı Apellyasiya Məhkəməsinin hakimi Mirzəli Abbasovun sədrliyilə baxılıb və jurnalistin şikayəti təmin edilib.
Şərti məhkumluğun yaratdığı çətinliklərdən danışarkən Əziz Orucov deyirdi ki, bu, onun ölkədən çıxışına imkan vermir, mütəmadi məhkəmə icraçılarıyla əlaqə saxlamaq məcburiyyətində qoyur.
“Kanal 13”ün direktoru həbs olunub
“Kanal 13”ün direktoruna cinayət işi açıldı
Əziz Qaraşoğlunun şikayəti təmin olunmayıb
Jurnalist ailəsi ilə əlaqə yarada bilmir
Əziz Orucovun anası insultdan dönüb
Həbsdə olan jurnalistin xanımından açıqlamalar
Jurnalistə qarşı ittiham ağırlaşdırılıb
Əziz Orucovun həbs müddəti uzadıldı
Əziz Orucovun işi üzrə istintaq yekunlaşıb
Ombudsman Əziz Orucova nə məsləhət görüb?
Əziz Orucovun mühakiməsinin vaxtı bilindi
Jurnalistin xanımı və anası dindirilib
Əziz Orucovun işi: bitməkdə olan məhkəmə nə vaxt bitəcək?
Jurnalistə 7 il həbs verilməsi təklif olundu
“Kanal 13”ün direktoruna 6 il iş kəsildi
Məhbus jurnalistlə açıq görüşə icazə verilmir
Məhbus jurnalistin səhhəti pisləşib
