Koronavirus: 910 nəfər ölüb
Koronavirus xəstəliyinə tutulanların sayı 40 min 648 nəfərə çatıb. Novator.az bildirir ki, fevralın 10-na olan məlumata görə, onların 910-u vəfat edib. Ölənlərin 908-i xəstəliyin tüğyan etdiyi Çinin payına düşür. Honkonq və Filippinin hər birində 1 nəfər koronavirus qurbanı olub.
Çində 2019-cu ilin dekabr ayından yayılan, pnevmoniyanın bir növü olan xəstəliyə Sinqapur, Tayvan, Makao, Vyetnam, Kamboca, Yaponiya, Cənubi Koreya, Tailand, Malayziya, Avstraliya, BƏƏ, Hindistan, Nepal, Şri-Lanka, Rusiya, Almaniya, Fransa, İtaliya, İspaniya, Belçika, Finlandiya, İsveç, Böyük Britaniya, ABŞ və Kanadada da tutulanlar var.
