Mərkəzi Bank fevralın 10-da avronun məzənnəsini 1,8627 manata endirib.

Novator.az-ın məlumatına görə, həmçinin Gürcüstan larisi (0,5949 manat) və Rusiya rublu (0,0266 manat) ucuzlaşıb.

Bahalaşan Türkiyə lirəsi banklara 0,2840 manata təklif olunur.

ABŞ dollarının rəsmi kursu 1,7 manat səviyyəsində saxlanıb. Bu qiymət 2018-ci il martın 7-dən qüvvədədir.

Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.

Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait satıb.

2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.