Seçici fəallığı: 39,23 faiz
9 fevral seçkisinin səsvermə mərhələsi davam edir. Mərkəzi Seçki Komissiyasının hesabatına görə, saat 15-ə qədər ölkə üzrə 2 milyon 90 min 589 nəfər parlament seçkisinə qatılıb, seçici fəallığı 39,23 faiz olub.
Səhər saat 8-də başlayan səsvermə saat 19-da başa çatacaq.
Milli Məclisə seçki 125 seçki dairəsi üzrə 5573 məntəqədə keçirilir. 5 milyon 329 min 460 nəfərin səsvermə hüququ var.
Seçkidə 1314 deputatlığa namizəd mübarizə aparır.
Qanuna görə, seçkidə qələbə üçün nisbi səs çoxluğu tələb olunur.
