Rusiyalılar hara köçmək istəyir?
“Romir” tədqiqat mərkəzi rusiyalıların mühacirət istəyini araşdıran sorğu keçirib. Novator.az xəbər verir ki, rəsmi nəticələrə görə, respondentlərin 17%-i xaricə köçmək istədiyini bəyan edib.
Rusiyadan birdəfəlik getmək arzusunda olanların 14%-i yaşamaq üçün ABŞ-ı ünvan göstərib.
Sorğuya qatılanların 8% İspaniyanı, bir o qədəri Almaniyanı, 7%-i Kanadanı məskən seçmək istədiyini bildirib.
Respondentlərin 5%-i İtaliya və Avstraliyaya, 4%-i Ukrayna, İsrail və Finlandiyaya köçmək arzusunda olduğunu vurğulayıb.
Sorğu iştirakçılarının 3%-i daimi məskən kimi Monteneqro, Fransa və Avstriyanın, 2%-i İsveç, Tailand, Hindistan, İslandiya və Misirin adını çəkib.
Siyahını hər biri 1% olmaqla Böyük Britaniya, Kipr, Türkiyə, Yaponiya, Latviya, İsveçrə, Çexiya, Yunanıstan, Bolqarıstan və Braziliya tamamlayır.
Səidə Hüseynova
