Naxçıvan: ixrac 0,3 faiz, idxal 20,9 faiz artıb
Naxçıvan Muxtar Respublikasının Dövlət Statistika Komitəsi 2019-cu ilə aid sosial-iqtisadi göstəriciləri açıqlayıb. Novator.az bildirir ki, hesabata görə, 2019-cu ildə ümumi daxili məhsul istehsalı 2018-ci ilin göstəricisini 1,5 faiz ötərək 2 milyard 839,6 milyon manat olub. Hər nəfərə düşən ümumi daxili məhsul 6201,5 manat göstərilir.
Sənaye məhsulu istehsalında 1,4 faiz, sərmayə yatırımında 1,2 faiz, kənd təsərrüfatı məhsulu istehsalında 4,5 faiz artım qeydə alınıb.
Xarici ticarət dövriyyəsinin 2,8 faiz, ixracın 0,3 faiz, idxalın 20,9 faiz yüksəldiyi xəbər verilir.
Rəsmi hesabata əsasən, muxtar respublikada bir işçiyə hesablanmış orta aylıq əməkhaqqı 2019-cu il dekabrın 1-nə 475 manata çatıb.
