Fransa prezidenti Emmanuel Makron yanvarın 29-da Azərbaycanın dövlət başçısı İlham Əliyevə zəng edib. Azərbaycan prezidentinin mətbuat xidmətinin məlumatına görə, telefon söhbəti zamanı ikitərəfli münasibətlərin müxtəlif aspektləri müzakirə edilib, hər iki tərəf əlaqələrin inkişafından məmnunluq bildirib, iqtisadi sahədə əməkdaşlığın genişləndiyi vurğulanıb.

Dövlət başçıları Dağlıq Qarabağ münaqişəsinin həlli ilə bağlı məsələləri müzakirə ediblər. İlham Əliyev münaqişənin nizama salınması ilə bağlı mövqeyini çatdırıb.

Regional təhlükəsizlik məsələləri ilə bağlı fikir mübadiləsi də aparılıb.