Valyutaların istiqaməti
Yanvarın 29-da avronun rəsmi kursu 1,8722 manata düşüb. Novator.az-ın məlumatına görə, Mərkəzi Bank həmçinin Gürcüstan larisi (0,5878 manat) və İngiltərə funt sterlinqini (2,2135 manat) ucuzlaşdırıb.
ABŞ dollarının məzənnəsi 1,7, BƏƏ dirhəmi 0,4628, Çin yuanı 0,2460, Səudiyyə Ərəbistanı rialı 0,4531 manat səviyyəsində qalıb.
Dəyər artıran Rusiya rublu banklara 0,0273, Türkiyə lirəsi 0,2861 manata satılır (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb. Dolların indiki qiyməti isə 2018-ci il martın 7-dən qüvvədədir.
Dövlət Neft Fondu Mərkəzi Bankın manatı qorumaq üçün 2019-cu ildə keçirdiyi valyuta hərraclarında 6 milyard 593,7 milyon ABŞ dolları məbləğində vəsait sərf edib.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
