193 ölkədən 3 milyon 170,4 min nəfər
2019-cu ildə Azərbaycana 193 ölkədən 3 milyon 170,4 min nəfər və ya əvvəlki illə müqayisədə 11,3 faiz çox əcnəbi gəlib. Novator.az-ın məlumatına görə, Dövlət Statistika Komitəsi Dövlət Sərhəd Xidmətinə istinadla bildirir ki, gələnlərin 29,4 faizi Rusiya, 22,9 faizi Gürcüstan, 10 faizi Türkiyə, 8,1 faizi İran, 3,4 faizi Səudiyyə Ərəbistanı, 2,2 faizi Birləşmiş Ərəb Əmirlikləri, 2,1 faizi Hindistan, 1,9 faizi Ukrayna, qalanları digər ölkələrin vətəndaşları, 0,1 faizi vətəndaşlığı olmayan şəxslərdir.
Hesabata əsasən, 2019-cu ildə xarici ölkələrə gedən Azərbaycan vətəndaşlarının sayı əvvəlki illə müqayisədə 13,4 faiz artaraq 5 milyon 567,7 min nəfər olub: “Ölkə vətəndaşlarının 36,7 faizi İrana, 28,9 faizi Gürcüstana, 17,6 faizi Rusiyaya, 11,4 faizi Türkiyəyə, 5,4 faizi isə digər ölkələrə gedib”.
