18 ildə Ukraynanın əhalisi 11,1 milyon nəfər azalıb
Ukraynada demoqrafik hesabat açıqlanıb. Novator.az-ın məlumatına görə, hesabatda 2019-cu il dekabrın 1-nə ölkədə 37 milyon 289 min nəfərin yaşadığı qeyd olunur.
Ukraynanın nəzarətində olmayan ərazilərdə yaşayan əhalinin sayı nəzərə alınmayıb.
Rəsmi statistikaya əsasən, hazırda paytaxt Kiyevin əhalisi 3 milyon 700 min nəfərdir.
Qeyd olunur ki, 2001-ci ildə Ukraynanın 48 milyon 450 min nəfər əhalisi olub. 18 ildə 11 milyon 161 min nəfər azalma qeydə alınıb.
2014-cü ildə Rusiya Ukraynanın Krım yarımadasını işğal edərək özünə birləşdirib, Donbas bölgəsində – Donetsk və Luqansk vilayətlərinin bir hissəsində isə iki separatçı rejim qurub. Bu rejimlər özlərini müstəqil dövlət sayır.
Səidə Hüseynova
