Müsavat Partiyasının başqanı Arif Hacılı yanvarın 21-də ATƏT-in Demokratik Təsisatlar və İnsan Hüquqları Bürosunun Azərbaycanda fevralın 9-na təyin edilmiş parlament seçkisini müşahidə missiyasının rəhbəri Piter Teylorla görüşüb. “Basta”nın məlumatına görə, görüşdə parlament seçkisi ilə bağlı fikir mübadiləsi aparılıb, monitorinq məsələsində birgə əməkdaşlıq müzakirə olunub.

125 dairədə keçiriləcək 9 fevral seçkisinə 20 partiya qoşularaq Mərkəzi Seçki Komissiyasına səlahiyyətli nümayəndələr göndərib: Yeni Azərbaycan Partiyası, Ümid Partiyası, Vətəndaş Həmrəyliyi Partiyası, Bütöv Azərbaycan Xalq Cəbhəsi Partiyası, Böyük Quruluş Partiyası, Milli Dirçəliş Hərəkatı Partiyası, Milli İstiqlal Partiyası, Demokrat Partiyası, Böyük Azərbaycan Partiyası, Vahid Azərbaycan Partiyası, Ana Vətən Partiyası, Təkamül Partiyası, Müsavat Partiyası, Sosial Rifah Partiyası, Vəhdət Partiyası, Demokratik İslahatlar Partiyası, Liberal Demokrat Partiyası, Demokratik Maarifçilik Partiyası, Müasir Müsavat Partiyası, Vətəndaş və İnkişaf Partiyası.

Müsavat Partiyasının 60 seçki dairəsində 64 namizədi qeydə alınıb. Dörd dairədə eyni vaxtda iki müsavatçı mübarizə aparır.

Başqan Arif Hacılı seçki yarışına 15 saylı Yasamal dairəsindən qatılıb.

Mərkəzi Seçki Komissiyasının son hesabatına görə, marafonda 1542 namizəd var.

Təşviqat yanvarın 17-də başlanıb.