ABŞ-ın “Bulletin of the Atomic Scientists” elm jurnalı ölkənin nüvə arsenalı barədə hesabat yayıb. Novator.az xəbər verir ki, hesablamaya görə, ölkənin döyüşə tam hazır 1750 nüvə başlığı var, 2050 nüvə başlığı isə ehtiyatdadır.

Məhv edilmə üçün ayrılan 2000 nüvə başlığını da nəzərə alanda başlıqların sayı 5800-ə çatır.

Hesabata əsasən, döyüşə hazır vəziyyətdə olan nüvə başlıqlarından 400-ü qitələrarası ballistik raketlər, 900-ü sualtı qayıqlar üçün nəzərdə tutulub, 300 nüvə başlığı yerli bombardmançıların bazalarında, 150-si Avropadakı obyektlərdə yerləşir.

“Bulletin of the Atomic Scientists” jurnalının məlumatına görə, ABŞ-ın nüvə silahları ölkənin 11 ştatının və 5 Avropa ölkəsinin ümumilikdə 24 nöqtəsində saxlanır.

Nüvə silahına sahib digər nəhəng ölkələr Rusiya, Fransa, Böyük Britaniya və Çindir.

Pakistan, Hindistan və Şimali Koreyanın da nüvə silahı var.

Səidə Hüseynova