Azərbaycan yaxşı ölkələr siyahısında
ABŞ-ın “US News & World Report” jurnalı ən yaxşı ölkələrin siyahısını açıqlayıb. Pensilvaniya Universiteti və BAV Qrupu (hər ikisi ABŞ) ilə birgə hazırlanmış reytinq tərtib olunarkən əsasən siyasi, iqtisadi, sosial, turizm, mədəniyyət kimi sahələrdə vəziyyət nəzərə alınıb.
Novator.az-ın məlumatına görə, 80 ölkənin yer aldığı siyahıya İsveçrə başçılıq edir.
Kanada ikinci, Yaponiya üçüncüdür.
İlk onluqda Almaniya, Avstraliya, Böyük Britaniya, ABŞ, İsveç, Niderland və Norveç də yer alır.
Fransa 12-ci, Çin 15-ci, İtaliya 17-ci, İspaniya 19-cu, Rusiya 23-cü, Hindistan 25-ci, Türkiyə 35-ci, Estoniya 55-ci, Litva 59-cu sırada göstərilir.
Azərbaycan 61-ci, Latviya 62-ci, Qazaxıstan 66-cı, Ukrayna 68-ci, Belarus 70-ci pillədə qərarlaşıb.
