Şəhid əsgər dəfn edildi
Şəhid əsgər Fərzəli Fərzəliyev yanvarın 8-də dəfn edilib.
Dövlət Sərhəd Xidmətinin rəsmi məlumatına görə, sərhədçi əsgər yanvarın 7-də Ermənistan silahlı qüvvələrinin Qazax rayonunun Quşçu Ayrım kəndi istiqamətində açdığı snayper atəşi ilə öldürülüb.
AZƏRTAC xəbər verir ki, Fərzəli Fərzəliyev yanvarın 8-də Ucarın Alpı kəndinin qəbiristanlığında torpağa tapşırılıb. Dəfn mərasiminə Dövlət Sərhəd Xidmətinin, Səfərbərlik və Hərbi Xidmətə Çağırış üzrə Dövlət Xidmətinin, Ucar Rayon İcra Hakimiyyətinin rəsmiləri, hüquq mühafizə orqanlarının əməkdaşları, şəhidin komandirləri və əsgər yoldaşları, ictimaiyyət nümayəndələri qatılıblar.
