20-ci ilin yubilyarları
2020-ci il bir çox tanınmış şəxsin yubiley ilidir. Novator.az bildirir ki, Azərbaycanın Polşadakı səfiri, dövlət xadimi Həsən Həsənov, diplomat Hüseynağa Sadıqov, dövlət xadimləri Telman Orucov və Abid Şərifovun 80 yaşı tamam olacaq.
Kinoşünas Aydın Kazımzadə, bəstəkar Ruhəngiz Qasımova, xanəndə Canəli Əkbərov, müğənni Niyaməddin Musayev, futbol veteranı Kazbek Tuayev, “Neftçi” futbol klubunun və Azərbaycan milli komandasının sabiq həkimi Boris Xetaqurovun da 80 illik yubileyidir.
Səhiyyə naziri Oqtay Şirəliyev, Milli Məclisin deputatları Aqiyə Naxçıvanlı, Elman Məmmədov, filosof Əli Abbasov, pedaqoq, alim Abel Məhərrəmov, bəstəkar Cavanşir Quliyev, jurnalist Etibar Babayev, aktyor Ənvər Həsənov, futbol veteranı Elbrus Abbasovun 70 yaşı tamamlanacaq.
Xarici işlər naziri Elmar Məmmədyarov, prezidentin sabiq köməkçisi Əli Həsənov, jurnalistlər Arif Əliyev, Asif Mərzili, Nərgiz Cəlilova, xanəndə Mənsum İbrahimov, müğənni Nazpəri Dostəliyeva, futbol veteranları Əsgər Abdullayev, İqor Ponomaryov 2020-ci ildə 60 yaşa çatırlar.
Bu şəxslər üçünsə 2020-ci il 50 illik yubiley kimi əlamətdardır: Qida Təhlükəsizliyi Agentliyinin sədri Qoşqar Təhməzli, şahmatçı, dövlət xadimi Aynur Sofiyeva, jurnalist, iş adamı Gündüz Tahirli, jurnalist Əvəz Zeynallı, aşıq Zülfiyyə İbadova, futbol veteranı Arif Əsədov.
