ÜDM proqnozu, illərin statistikası
“2019-cu ildə Azərbaycanda ümumi daxili məhsulun (ÜDM) artımı son 5 ildə ilk dəfə 2 faizi ötüb”. AZƏRTAC xəbər verir ki, İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı dekabrın 26-sı Yeni Azərbaycan Partiyasının mərkəzi qərargahında keçirdiyi mətbuat konfransında belə deyib. Onun sözlərinə görə, 2020-ci ilə 3 faiz, 2021-ci ilə 3,7 faiz, 2022-ci ilə 3,1 faiz, 2023-cü ilə 3,2 faiz iqtisadi artım proqnozlaşdırılır.
Dövlət Statistika Komitəsinin rəsmi hesabatına əsasən, 2019-cu ilin yanvar-noyabr aylarında ölkədə əvvəlki ilin 11 ayı ilə müqayisədə 2,1 faiz çox ÜDM istehsal edilib.
Novator.az əvvəlki illərin göstəricilərinə də nəzər salıb.
1995-ci ildə ÜDM əvvəlki ilə nisbətən 11,8 faiz geriləyib.
Sonrakı illərdə ümumi daxili məhsulun həcmi belə artıb: 1996-cı ildə 1,3 faiz, 1997-ci ildə 5,8 faiz, 1998-ci ildə 10 faiz, 1999-cü ildə 7,4 faiz, 2000-ci ildə 11,1 faiz, 2001-ci ildə 9,9 faiz, 2002-ci ildə 10,6 faiz.
2003-cü ildə 11,2 faiz, 2004-cü ildə 10,2 faiz, 2005-ci ildə 26,4 faiz, 2006-cı ildə 34,5 faiz, 2007-ci ildə 25 faiz, 2008-ci ildə 10,8 faiz, 2009-cu ildə 9,3 faiz, 2010-cu ildə 5 faizlik artım rəsmiləşib.
2011-ci ildə ÜDM-in həcmi 0,1 faiz, 2012-ci ildə 2,2 faiz, 2013-cü ildə 5,8 faiz, 2014-cü ildə 2,8 faiz, 2015-ci ildə 1,1 faiz yüksəlib.
2016-cı ildə Azərbaycanda ÜDM istehsalı 2015-ci ilə nisbətən 3,1 faiz düşüb.
2017-ci ildə 0,2 faizlik, 2018-ci ildə 1,4 faizlik artım olub.
