Rəsmi işsizlər, sığorta ödənişi statistikası
Dövlət Statistika Komitəsi 2019-cu il dekabrın 1-nə 79 min 736 nəfərin rəsmi işsiz statusu aldığını açıqlayıb. Novator.az bildirir ki, işsizlər ən çox bu şəhər və rayonlarda rəsmiləşib:
Bakı – 29 min 812 nəfər
Sumqayıt – 5614 nəfər
Şəmkir – 4187 nəfər
Mingəçevir – 2013 nəfər
Gədəbəy – 1764 nəfər
Abşeron – 1737 nəfər
Ağdam – 1522 nəfər
Gəncə – 1368 nəfər
Tovuz – 1339 nəfər
Masallı – 1334 nəfər
Salyan – 1313 nəfər
Göyçay – 1255 nəfər
Siyəzən – 1195 nəfər
Hacıqabul – 1093 nəfər
Bərdə – 1091 nəfər
Neftçala – 1059 nəfər.
Rəsmi hesabata əsasən, 11 ayda 575 nəfər işsizlikdən sığorta ödənişi alıb. Ödənişin orta məbləği 278,6 manat olub.
Qanuna görə, sığorta ödənişi işçinin sığorta stajından asılı olaraq onun itirilmiş orta aylıq əməkhaqqının məbləğinə müəyyən faiz dərəcələri tətbiq olunmaqla hesablanır. İşçinin sığorta stajı 3 ildən 5 ilə qədər olduqda onun itirilmiş orta aylıq əməkhaqqının məbləğinin 50%-i, sığorta stajı 5 ildən 10 ilə qədər olduqda 55%-i, sığorta stajı 10 ildən yuxarı olduqda 60%-i məbləğində işsizliyə görə aylıq sığorta ödənişi verilir.
