Tətil havası
Avropanın beş aparıcı milli futbol çempionatının dördü qış fasiləsinə çıxıb.
Novator.az bildirir ki, Almaniya çempionatında ilk dövrədən – 17 turdan sonra “Leypsiq” 37 xalla öndədir. “Borussiya” (Mönhenqladbah) 35, “Bavariya” 33, “Borussiya” (Dortmund) və “Şalke” 30 xal yığıb.
Tətil 2020-ci il yanvarın 17-də başa çatacaq.
Gələn il yanvarın 10-dək nəfəs dərən Fransa çempionatında PSJ 18 oyuna 45, “Marsel” 19 oyuna 38, “Renn” 18 oyuna 33, “Lill” 19 oyuna 31 xal əldə edib.
İtaliya çempionatında “İnter” və “Yuventus” 17 oyuna 42 xalla ilk sıranı bölüşürlər. “Latsio” 16 oyuna 36, “Roma” 17 oyuna 35 xal qazanıb.
Tətil 2020-ci il yanvarın 5-dək davam edəcək.
2020-ci il yanvarın 3-dək tətildə olacaq İspaniya çempionatında “Barselona” 18 turda 39, “Real” 37, “Sevilya” 34, “Atletiko” 32 xal götürüb.
İngiltərə çempionatında tətil nəzərdə tutulmur. Hazırda 17 oyunda 49 xal əldə edən “Liverpul” liderdir. “Lester” 18 oyunda 39, “Mançester Siti” 38, “Çelsi” 32 xal götürüb.
