Rusiyalıların xəbər mənbələri
“Mediascope” şirkəti Rusiya əhalisinin informasiyanı hansı mənbələrdən aldığını araşdırıb. Novator.az-ın məlumatına görə, tədqiqat ölkənin 16 yaşdan yuxarı 13000-nə yaxın sakini arasında telefonla aparılmış sorğuya əsaslanır.
Hesabata əsasən, respondentlərin 70%-ə yaxını informasiyanı televiziyadan almağa üstünlük verir.
Rusiyalıların 58%-i xəbər üçün internetdən, 19%-i qəzetdən, 12,6%-i radiodan bəhrələnir.
Tədqiqat göstərib ki, əsas informasiya mənbəyi kimi televiziyadan istifadə edənlər yaşı 45-i keçmiş, ali təhsili olmayan, kiçik şəhərlərin və kəndlərin sakinləridir.
Eyni vəziyyət qəzet və radioya da aiddir.
İnternetdən isə ən çox 16-44 yaş arası ali təhsilli şəxslər, böyük və orta şəhərlərin sakinləri istifadə edir.
Ümumilikdə rusiyalıların 90%-nin xəbərlərlə maraqlandığı qeyd olunur. Onların 79%-i yerli, 62%-i xarici informasiyalara üstünlük verir.
Səidə Hüseynova
