2020-ci ilin iş və istirahət təqvimi
Əmək və Əhalinin Sosial Müdafiəsi Nazirliyi 2020-ci ilin iş vaxtı norması və istehsalat təqvimini təsdiqləyib. Novator.az-ın məlumatına görə, 2020-ci ilin bu günləri iş günü sayılmır:
1, 2 yanvar – Yeni il;
20 yanvar – Ümumxalq Hüzn Günü;
8 mart – Qadınlar Günü;
20, 21, 22, 23, 24 mart – Novruz bayramı;
9 may – Qələbə Günü;
24, 25 may – Ramazan bayramı;
28 may – Respublika Günü;
15 iyun –Milli Qurtuluş Günü;
26 iyun – Silahlı Qüvvələr Günü;
31 iyul, 1 avqust – Qurban bayramı;
9 noyabr – Dövlət Bayrağı Günü
31 dekabr – Dünya Azərbaycanlılarının Həmrəyliyi Günü.
İş və istirahət günlərinin yerinin dəyişdirilməsi və istirahət günlərinin bayram günləri ilə üst-üstə düşməsi ilə əlaqədar beşgünlük iş həftəsində 3, 6 yanvar, 9, 25, 26 mart, 11, 26 may, 3 avqust, altıgünlük iş həftəsində 3 yanvar, 9, 25 mart, 26 may istirahət günləridir.
2020-ci il 366 gündən ibarətdir. Beşgünlük iş həftəsində 241 iş günü var.
Əmək Məcəlləsinə əsasən, Azərbaycan Respublikasında gündəlik normal iş vaxtının müddəti 8 saatdan, həftəlik normal iş vaxtının müddəti 40 saatdan artıq ola bilməz.
