Pensilvaniya Universitetinin Uorton Biznes Məktəbinin və BAV Qrupunun (hər ikisi ABŞ) təhlilçiləri ən qüdrətli 80 ölkənin siyahısını yayıblar. Novator.az-ın məlumatına görə, reytinq tərtib olunarkən iqtisadi və hərbi güc, beynəlxalq arenada təsir və liderlik imkanları əsas götürülüb.

Hesabata əsasən, qüdrətli dövlətlər siyahısına ABŞ başçılıq edir.

İlk onluqda Rusiya, Çin, Almaniya, Böyük Britaniya, Fransa, Yaponiya, İsrail, Səudiyyə Ərəbistanı və Cənubi Koreya da yer alır.

İran reytinq cədvəlində 13-cü, Türkiyə 16-cı, Belarus 35-ci, Ukrayna 39-cu, Qazaxıstan 43-cü, Azərbaycan 45-ci, Litva 76-cı, Latviya 79-cu, Estoniya 80-ci sırada göstərilir.