“Gündəlik Bakı” qəzetinin baş redaktoru Habil Vəliyev azadlığa çıxıb.
“Report”un xəbərinə görə, Nərimanov Rayon Məhkəməsi onun cəzasının çəkilməmiş hissəsinin şərti cəza ilə əvəz edilməsi barədə qərar çıxarıb.
Habil Vəliyev cəzasını 10 saylı Cəzaçəkmə Müəssisəsində çəkirdi.
Baş redaktor 2016-cı ilin dekabr ayında Dövlət Təhlükəsizliyi Xidmətinin keçirdiyi əməliyyat zamanı tutulmuş, Bakı Ağır Cinayətlər Məhkəməsi onu külli miqdarda əmlak əldə etmək məqsədilə hədə-qorxu gəlməkdə təqsirli bilərək 4 il müddətinə azadlıqdan məhrum etmişdi.
