23 dekabr bələdiyyə seçkilərinin təşviqat mərhələsi gedir. Novator.az-ın məlumatına görə, Mərkəzi Seçki Komissiyası ödənişli seçki təşviqatına qoşulmaq üçün müraciət edən 5 televiziyanı qeydiyyata alıb: “Xəzər”, ARB, “Azad Azərbaycan”, “Real”, “Lider”.
Seçki təşviqatında iştirak haqqını 5 agentlik (“Trend”, “Səs”, APA, “Olaylar”, “Azadinform”) və 3 sayt (Day.az, Azxeber.com, Cebhe.info) əldə edib.
Təşviqat kampaniyasında 6 qəzet yer alır: “İki sahil”, “Səs”, “Kaspi”, “Həftə içi”, “Olaylar”, “Cümhuriyət”.
118 seçki dairəsini əhatə edən 23 dekabr seçkilərində 1606 bələdiyyəyə 15156 nəfər seçilməlidir.
Seçkilərə Yeni Azərbaycan Partiyası, Demokratik İslahatlar Partiyası, Böyük Quruluş Partiyası, Vətəndaş Birliyi Partiyası, Bütöv Azərbaycan Xalq Cəbhəsi Partiyası, Milli Dirçəliş Hərəkatı Partiyası, Demokratik Maarifçilik Partiyası, Sosial Demokrat Partiyası, Ümid Partiyası, Ana Vətən Partiyası, Vətəndaş Həmrəyliyi Partiyası, Vəhdət Partiyası, Respublikaçılar Partiyası təmsilçiləri, həmçinin partiyasız şəxslər qoşulublar.
