2020-ci ilin bayram günləri
Novator.az 2020-ci ilin bayram günlərinin siyahısına nəzər salıb.
Yeni il 1-2 yanvarda (çərşənbə-cümə axşamı) bayram olunur. 3 yanvar (cümə) və 6 yanvar (bazar ertəsi) Nazirlər Kabinetinin qərarı ilə istirahət günü elan edildiyi, 4-5 yanvar şənbə-bazara düşdüyü üçün 2020-ci ildə ilk iş günü yanvarın 7-dir.
Əmək Məcəlləsinə əsasən, şənbə və bazar günləri ilə iş günü hesab olunmayan bayram günləri üst-üstə düşəndə həmin istirahət günü bayram günündən sonrakı iş gününə keçirilir.
Martın 8-i – Qadınlar Günü bazara düşdüyü üçün 9 mart (bazar ertəsi) istirahət günüdür.
20-24 mart Novruz bayramıdır. Martın 21-i şənbəyə, 22-si bazara düşdüyü üçün 25-26 mart (çərşənbə, cümə axşamı) istirahət günləri sayılır.
Mayın 9-u – Qələbə Günü şənbəyə düşdüyü üçün mayın 11-i (bazar ertəsi) istirahət günü olur.
24-25 may Ramazan bayramıdır. Mayın 24-ü bazara düşdüyü üçün mayın 26-sı (çərşənbə axşamı) istirahət günüdür.
Respublika Günü mayın 28-də (cümə axşamı) qeyd olunur.
İyunun 15-i – bazar ertəsi Milli Qurtuluş Günüdür.
İyunun 26-sı – Silahlı Qüvvələr Günü cüməyə düşür.
31 iyul-1 avqust Qurban bayramıdır. Avqustun 1-i şənbəyə düşdüyü üçün avqustun 3-ü (bazar ertəsi) istirahət günü olur.
Noyabrın 9-u – bazar ertəsi Dövlət Bayrağı Günü qeyd edilir.
Dekabrın 31-i – Dünya Azərbaycanlılarının Həmrəyliyi Günü cümə axşamına düşür.
