Paytaxtda orta maaş 833 manatı ötüb
Bakı Şəhər Statistika İdarəsi yeni göstəricilər açıqlayıb. Novator.az bildirir ki, rəsmi hesabata görə, 2019-cu ilin yanvar-oktyabr aylarında paytaxtda 32,6 milyard manatlıq sənaye malı və istehsal olunub və xidmət göstərilib.
Sənayedə qeyri-dövlət sektorunun payı 83,8 faiz göstərilir.
Qeyd olunur ki, on ayda tikinti müəssisələrinin yerinə yetirdiyi inşaat işlərinin 65,6 faizi tikinti, yenidənqurma və genişləndirmə, 8,9 faizi əsaslı təmir, 4,9 faizi cari təmir, 20,6 faizi başqa tikinti işlərinin payına düşüb.
Rəsmi məlumata əsasən, ticarət dövriyyəsinin həcmi 2018-ci ilin yanvar-oktyabr ayları ilə müqayisədə 3,4 faiz, ictimai iaşə dövriyyəsi real ifadədə 7,2 faiz, ödənişli xidmətlərin dəyəri real ifadədə 2,3 faiz artıb.
Muzdla işləyənlərin orta aylıq nominal əməkhaqqının oktyabrın 1-nə 833,6 manata çatdığı vurğulanır.
