Mərkəzi Bank dekabrın 2-də avronun məzənnəsini 1,8731 manata qaldırıb.

Novator.az-ın məlumatına görə, Gürcüstan larisi (0,5731 manat) və Türkiyə lirəsi də (0,2956 manat) bahalaşıb.

ABŞ dollarının rəsmi kursu 1,7 manat həddində qalıb, dəyər itirən Rusiya rublu isə banklara 0,0264 manata təklif olunur (Tam siyahı).

Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.

Dolların rəsmi qiyməti 2018-ci il martın 7-dən 1,7 manatdır.

Dövlət Neft Fondu manatın qorunması üçün Mərkəzi Bankın 2019-cu ilin yanvar-oktyabr aylarında keçirdiyi valyuta hərraclarında 5 milyard 167,6 milyon ABŞ dolları məbləğində vəsait satıb.