Mərkəzi Bank noyabrın 27-də bir çox valyutanı ucuzlaşdırıb. Novator.az-ın məlumatına görə, avro 1,8720, BƏƏ dirhəmi 0,4628, İngiltərə funt sterlinqi 2,1852, Türkiyə lirəsi 0,2947 manata düşüb.

ABŞ dolları (1,7 manat), Çin yuanı (0,2418 manat) və Rusiya rublunun (0,0266 manat) rəsmi məzənnələri sabit qalıb, dəyər artıran Gürcüstan larisi isə banklara 0,5728 manata təklif olunur (Valyutalar).

Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.

Dövlət Neft Fondu manatın qorunması üçün Mərkəzi Bankın 2019-cu ilin yanvar-oktyabr aylarında keçirdiyi valyuta hərraclarında 5 milyard 167,6 milyon ABŞ dolları məbləğində vəsait satıb.