Rusiya pasportu alanların statistikası
2019-cu ilin doqquz ayında Rusiyadan vətəndaşlıq almış əcnəbilərin sayı açıqlanıb. Novator.az bildirir ki, rəsmi statistikaya görə, yanvar-sentyabr aylarında 285 min əcnəbiyə Rusiya pasportu verilib, bu da 2018-ci ilin eyni dövrü ilə müqayisədə 93 min nəfər çoxdur.
Doqquz ayda Rusiyadan ən çox ukraynalılar vətəndaşlıq alıb: 146 min nəfər.
İkinci yerdə qazaxıstanlılar (35 min nəfər), üçüncü yerdə tacikistanlılar (30 min nəfər) gəlir.
Ermənistandan 17 min nəfər, Özbəkistandan 14 min nəfər, Moldovadan 11 min 500 nəfər Rusiya vətəndaşlığı əldə edib.
Səidə Hüseynova
