Yağış, qar, şaxta
Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, noyabrın 21-i gündüzdən 22-si səhərədək ölkədə yağış, dağlıq və dağətəyi ərazilərdə qar yağıb, bəzi yerlərdə intensivləşib.
Düşən yağıntının miqdarı Astarada 47, Lənkəranda 41, Xaçmazda 20, Balakən, Qəbələ, Zaqatalada 16, Lerikdə 12, Oğuzda 11, Yardımlı, Tərtər, Qusar, İsmayıllıda 9, Şabranda 8, Quba, Neftçalada 7, Şamaxıda 5, Bərdə, Beyləqan, Ağdam, Mərəzə, Naftalanda 4, Ağstafa, Mingəçevir, Ağsuda 2, Gəncə, Daşkəsən, Şəmkir, Qazıməmməd, Biləsuvar, Sabirabad, İmişli, Göyçay, Zərdab, Yevlaxda 1 millimetr, Sumqayıtda 47 millimetr, Bakıda 11 millimetr olub.
Qarın qalınlığı Sarıbaş, Altıağacda 12, Qırız, Xınalıqda 8, Qusarda 7, Mərəzə, İsmayıllı, Qubada 2, Xaltan, Daşkəsəndə 1, Lerik, Yardımlıda 0,8 santimetrə çatıb.
Havanın minimal temperaturu dağlıq rayonlarda 9-15 dərəcə şaxta təşkil edib.
