“Teaching Abroad” portalının ekspertləri 100 ölkədə müəllimlərin maaş məbləğini araşdırıb. Novator.az xəbər verir ki, mütəxəssislər müəllimlərin orta illik əməkhaqqı məbləğini ölkədə adambaşına düşən ümumi daxili məhsulun (ÜDM) səviyyəsi ilə müqayisə ediblər. Tədqiqat göstərib ki, müəllimlərin 93%-nin maaşı adambaşına ÜDM-in səviyyəsindən aşağıdır.

Müəllimlərin adambaşına düşən ÜDM-ə nisbətdə ən yüksək maaş aldığı 10 ölkənin adları da açıqlanıb.

İsveçrədə müəllimin orta illik əməkhaqqı 69 min 471 dollardır.

Almaniyada müəllimin orta illik maaşı 53 min 373 dollar, Finlandiyada 42 min 607 dollar göstərilir.

Sonrakı yerlərdə Yeni Zelandiya (37 min 586 dollar), Çin (26 min 177 dollar), Türkmənistan (19 min 572 dollar), Meksika (18 min 922 dollar), Cənubi Afrika Respublikası (13 min 618 dollar), Mərakeş (10 min 92 dollar) və Fil Dişi Sahili (6 min 723 dollar) qərarlaşıb.

Səidə Hüseynova