20 ildə Gürcüstan əhalisi 16% azalıb
Son 20 ildə Gürcüstan əhalisi 16% azalıb. 2000-ci ilin əvvəlində Gürcüstanda 4,4 milyon insan yaşayıb. İndi isə ölkə əhalisinin sayı 3,7 milyon nəfərdir.
Novator.az bildirir ki, bu statistikanı Sputnik-Georgia.ru yayıb.
Son 20 ildə kənd əhalisinin 28%, şəhər əhalisinin 5% azaldığı bildirilir.
Ölkənin ciddi demoqrafik problem yaşadığını vurğulayan ekspertlər deyirlər ki, bunun kökündə doğulanların sayının azalması və sosial problemlər üzündən ölkədən gedənlərin sayının artması durur.
Statistikaya görə, 2019-cu ilin ilk 6 ayında Gürcüstanda 23 min uşaq doğulub, 24,5 min adam ölüb.
Səidə Hüseynova
