İngiltərə milli futbol çempionatında 11-ci tur yekunlaşıb. Novator.az-ın məlumatına görə, turnir cədvəlinə 31 xalla “Liverpul” başçılıq edir. “Mançester Siti” 25, “Lester” və “Çelsi” 23 xal götürüb.

İspaniya çempionatında “Barselona” və “Real” 11 oyuna, “Real Sosyedad” 12 oyuna 22 xal yığıb. 12 oyundan sonra “Atletiko” və “Sevilya”nın 21, “Qranada”nın 20 xalı var.

İtaliya çempionatında 11 turun ardından 29 xalla “Yuventus” liderdir. “İnter” 28, “Roma” 22, “Latsio”, “Atalanta” və “Kalyari” 21 xal qazanıb.

Almaniya çempionatında 10 tur geridə qalıb, “Borussiya” (Mönhenqladbah) 22 xalla öndədir. Dortmund “Borussiya”sının 19, ”Leypsiq”, “Bavariya” “Frayburq” və “Şalke”nin 18 xalı var.

Fransa çempionatında PSJ 12 oyuna 27, “Anje” 20, “Nant” və “Marsel” 19 xal yığıb.