Demokratik Qüvvələrin Milli Şurasının sədri, tarixçi alim Cəmil Həsənli özünün “Facebook” səhifəsində açıqlama yayıb. Bir müddətdir elmi araşdırmaları ilə bağlı Vaşinqtonda olduğunu bildirən Cəmil Həsənli yazır: “Milli Şuranın oktyabrda keçirdiyi aksiyalara yalnız buradan dəstək verə bilmişəm. Belə qaynar hadisələr zamanı əqidədaşlarımızdan uzaqda olmanın çoxlu mənfi cəhətləri olsa da, bir müsbət tərəfi də var. Beynəlxalq təşkilatlarla təmas imkanı çox olur və prosesi bir az uzaqdan dəyərləndirmək imkanı olur.
Milli Şuranın 8 oktyabr aksiyası, xüsusilə də 19 oktyabr mitinqi çox uğurlu aksiyalar oldu. Milli Şura və AXCP rəhbərliyi böyük iradə və cəsarət gücünə mümkün olmayanı etdi. 19 oktyabr mitinqi son illərdə keçirilmiş ən uğurlu və kütləvi razılaşdırılmamış mitinq idi. Təsadüfi deyil ki, bu mitinq bütün dünyanın diqqətini Azərbaycana cəlb etdi. Xüsusilə də AXCP sədri Əli Kərimliyə verilmiş işgəncə təkcə bizim soydaşlarımızı yox, bütövlükdə mütərəqqi dünyanı ciddi narahat etdi.
Avropa Birliyi, ABŞ, Avropa Şurası və dünyaca tanınmış bütün nüfuzlu hüquq müdafiə təşkilatları polis zorakılığını pislədi, Azərbaycan hakimiyyətini sərbəst toplaşma azadlığına riayət etməyə çağırdı. 19 oktyabr mitinqini “Röyters”, “Blumberq” kimi nəhəng agentliklər, “İndependent” və “Qardian” başda olmaqla onlarca beynəlxalq mətbuat orqanı işıqlandırdı və polis zorakılığını qınadı. Düzdür, hələlik Azərbaycan hakimiyyəti bu ciddi qınağa reaksiya verməyib və 2 noyabr mitinqinə razılıq verməməsi onu göstərir ki, rejimin belə tezliklə düzəlmək fikri yoxdur. Ancaq dünyanın rəyini mütləq nəzərə almaqdan başqa çarələri olmayacaq.
Dostlar, bilirəm ki, Milli Şuranın Koordinasiya Mərkəzində əvvəlcədən 2 noyabr mitinqi ilə bağlı belə bir qərar qəbul edilib ki, Yasamal rayonundakı İdman-Sağlamlıq Kompleksinin stadionuna razılaşmasalar, mitinq metronun “28 May” stansiyası qarşısındakı meydanda və ya ona yaxın yerlərdə keçirilsin. Baxmayaraq ki, AXCP-nin 30-dan artıq aparıcı funksioneri hazırda mitinqə görə həbsdədir, onu da bilirəm ki, minlərlə insan 2 noyabr mitinqinə çox ciddi hazırlaşır. Hökumət də qorxu içindədir. Xeyli muzdlu dəstə yaradıblar ki, həmin qrupları xalqla üz-üzə qoysunlar. Digər yandan da müxalifətlə mübarizədən başqa heç nəyə yaramayan Respublika Prokurorluğu və Daxili İşlər Nazirliyi birgə bəyanat yayıb Milli Şuranı, xüsusilə də Milli Şuranın Koordinasiya Mərkəzinin üzvü və AXCP sədri Əli Kərimlini hakimiyyəti zorla ələ keçirməyə hazırlaşmaqda ittiham edib. Mitinqdə təxribat hazırlanacağı haqda məlumatlar hətta gəlib mənə də çatıb. Təbii ki, hamısı qurama və yalandır. Milli Şura yalnız və yalnız dinc, konstitusion mübarizə aparır və həmişə də belə olacaq”.
Cəmil Həsənli sonda təklif edir ki, Milli Şuranın Koordinasiya Mərkəzinin üzvləri və AXCP rəhbərliyi təcili müzakirəyə başlasın, 2 noyabr mitinqi təxirə salınsın: “Hərəkatımızın yeni dalğası hələ indi başlayır, əhalinin qorxudulmasına bəhanə verməyək. Hazırda Milli Şura 19 oktyabr mitinqi ilə ona nail olub ki, Azərbaycanda sərbəst toplaşma azadlığının olmaması və polis zorakılığı artıq bütün dünyanın gündəminə qayıdıb. Həm vaxt vermək, həm də tələb etmək, məqsədyönlü iş aparmaq lazımdır ki, Avropa Birliyi, ABŞ, Avropa Şurası Azərbaycan hakimiyyəti ilə beynəlxalq öhdəliklərini yerinə yetirməklə bağlı ciddi danışıqlar aparsın. Milli Şura və AXCP rəhbərliyi onsuz da sübut edib ki, hətta ən ağır repressiyalar şəraitində də mitinqlər, aksiyalar edə bilirik. Ölkənin etirazçı elektoratı Milli Şuraya inanır. Biz kifayət qədər güclü olduğumuz üçün həm də manevrlər edə bilərik, rəqibin zərbəsindən yayınıb, gələcək mübarizə üçün daha da güclənə bilərik. Qəti əminəm ki, 2 noyabr mitinqini bir müddət təxirə salsaq, xalqımızla və beynəlxalq aləmlə işi gücləndirsək, bir müddətdən sonra meydanlara daha möhtəşəm şəkildə qayıdacağıq”.
Milli Şura 2013-cü ildə yaradılıb.
1952-ci il təvəllüdlü Cəmil Həsənli tarix elmləri doktorudur. Bakı Dövlət Universitetində müəllim, baş müəllim, dosent, professor vəzifələrində çalışıb.
1993-cü ildə (aprel-sentyabr) Azərbaycan Respublikası prezidentinin müşaviri vəzifəsini tutub. AXCP sədrinin müavini olub, 2000 və 2005-ci illərdə Milli Məclisin deputatı seçilib. 2013-cü ildə Milli Şuranın namizədi kimi prezident seçkisində iştirak edib.
Cəmil Həsənli Milli Şuranın fəaliyyətinə rəhbərlik edən Koordinasiya Mərkəzinin üzvüdür.
Koordinasiya Mərkəzində AXCP sədri Əli Kərimli, onun müavinləri Vahid Məhərrəmli, Gözəl Bayramlı, Müsavat Partiyasından Tofiq Yaqublu, Vətəndaş Həmrəyliyi Partiyasından Rafiq Manaflı, Qarabağ Uğrunda İslami Müqavimət Hərəkatından Rövşən Əhmədli, sabiq deputatlar İbrahim İbrahimli, Gültəkin Hacıbəyli, hüquqşünaslar Namizəd Səfərov, Vidadi Mirkamal, Fuad Ağayev, ssenarist, kinodramaturq Eldəniz Quliyev və başqaları təmsil olunur.
Milli Şura mitinq meydanı istəyir
Milli Şuraya Lökbatanı təklif etdilər
Milli Şura Bakının mərkəzinə aksiya təyin edib
“Bu aksiya mübarizənin bir mərhələsidir”
Paytaxt polisinin aksiya açıqlaması
AXCP üzvlərinə həbs cəzası verilib
Milli Şura mitinqi harada keçirmək istəyir?
Əli Kərimli mitinqlə bağlı son qərarı açıqladı
“8 oktyabrın davamı 19 oktyabrda olacaq”
Aksiya ərəfəsi: metronun üç stansiyası bağlanıb
Aksiyaçılar “28 May” həndəvərində
Paytaxt polisinin aksiya açıqlaması
Əli Kərimlidən nə tələb olunub?
Tofiq Yaqublu işgəncəyə məruz qaldığını deyib
Aksiya: inzibati həbs cəzası alanların siyahısı
Baş Prokurorluqdan Əli Kərimli açıqlaması
Qızı Tofiq Yaqublu ilə görüşə bilmir
19 oktyabr aksiyasına beynəlxalq reaksiyalar
Seymur Həzinin hansı ittihamla tutulduğu bəlli olub
Əli Kərimli prokurorluğa şikayət edir
Seymur Həzinin şikayəti: qərar verildi
