Prezident Katibliyinin rəisi orden aldı
Dövlət başçısı İlham Əliyev Prezident Katibliyinin rəisi-prezidentin köməkçisi Dilarə Seyidzadəni “Şərəf” ordeni ilə təltif edib. Oktyabrın 24-də imzalanan sərəncamda təltif Dilarə Seyidzadənin dövlət qulluğunda uzunmüddətli səmərəli fəaliyyəti ilə əsaslandırılıb.
Novator.az bildirir ki, Dilarə Seyidzadənin 80 yaşı tamam olur.
1939-cu il oktyabrın 25-i Bakıda doğulan Dilarə Seyidzadə indiki Bakı Dövlət Universitetini bitirib. Elmlər Akademiyasının Tarix İnstitutunda baş laborant, kiçik elmi işçi, baş elmi işçi, aparıcı elmi işçi, Azərbaycan Dövlət Konservatoriyasında baş müəllim olub.
Prezidentin İcra Aparatında böyük məsləhətçi, prezidentin köməkçisi, Prezident Katibliyi rəisinin müavini-prezidentin köməkçisi vəzifələrində çalışıb.
16 noyabr 1999-cu ildə Prezident Katibliyinin rəisi təyin edilib.
“Şöhrət” ordeni laureatıdır.
