Mikayıl Cabbarov iqtisadiyyat naziri təyin olundu
Oktyabrın 23-də prezident İlham Əliyev Mikayıl Cabbarovu vergilər naziri postundan azad edib. Başqa bir sərəncamla Mikayıl Cabbarov iqtisadiyyat naziri vəzifəsinə təyinat alıb.
Əvvəlki iqtisadiyyat naziri Şahin Mustafayev oktyabrın 22-də baş nazirin müavini təyin edilib.
Novator.az bildirir ki, 1976-cı ildə doğulan Mikayıl Cabbarov 2002-2003-cü illərdə iqtisadi inkişaf nazirinin müşaviri, 2003-2004-cü illərdə Azərbaycanda İxracın və İnvestisiyaların Təşviqi Fondunun prezidenti vəzifələrində çalışıb.
2004-cü ildə iqtisadi inkişaf nazirinin müavini vəzifəsinə, 2009-cu ildə Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinin rəisi vəzifəsinə təyin edilib.
2013-cü il aprelin 19-dan təhsil naziri postunu tutub, 2017-ci il dekabrın 5-də vergilər naziri vəzifəsinə keçirilib.
Əli Əsədov baş nazir təyin olundu
Baş nazirin iki müavini postdan getdi
