MSK-da yenilik
Parlamentin 22 oktyabr iclasında Mərkəzi Seçki Komissiyasına (MSK) yeni üzvü təyin edilib: Rövzət Afət oğlu Qasımov. O, heç bir siyasi partiyaya mənsub olmayan deputatların təqdimatı əsasında MSK üzvü postuna göndərilib.
Qanunvericiliyə görə, 18 nəfərlik MSK-da yerlərin üçdə bir hissəsini parlamentdəki çoxluq partiyasının, üçdə bir hissəsini azlıqda qalan partiyaların, üçdə bir hissəsini bitərəflərin təqdim etdiyi nümayəndələr tutur.
Yeni Azərbaycan Partiyası çoxluq partiyası, Vətəndaş Həmrəyliyi Partiyası, Ana Vətən Partiyası, Bütöv Azərbaycan Xalq Cəbhəsi Partiyası, Demokratik İslahatlar Partiyası, Böyük Quruluş Partiyası, Vətəndaş Birliyi Partiyası, Sosial Rifah Partiyası, Sosial Demokrat Partiyası, Vəhdət Partiyası, Demokratik Maarifçilik Partiyası və Milli Dirçəliş Hərəkatı Partiyası azlıq partiyaları sayılır.
Parlament üzvlərinin üçdə biri partiyasızdır.
Hazırda Mərkəzi Seçki Komissiyasının Rövzət Qasımovdan əlavə 16 üzvü var:
Məzahir Pənahov – sədr
Arifə Muxtarova – katib
Mikayıl Rəhimov – katib
Fuad Cavadov
Şaitdin Əliyev
Ramiz İbrahimov
Validə Kazımova
Hüseyn Paşayev
İlham Məmmədov
Nizami Nadirxanlı
Qabil Orucov
Bəxşeyiş Əsgərov
Tofiq Həsənov
Almas Qəhrəmanlı
Etibar Quliyev
İlkin Şahbazov.
Dekabrın 23-ü Azərbaycanda bələdiyyə seçkiləri keçiriləcək.
118 seçki dairəsini əhatə edəcək seçkilərdə 1606 bələdiyyəyə 15156 üzv seçilməsi nəzərdə tutulur.
Namizədin qeydə alınması üçün seçki sənədlərinin dairə seçki komissiyasına təqdim edilməsi noyabrın 3-dən noyabrın 22-dək davam edəcək. Seçkiqabağı təşviqat noyabrın 30-dan dekabrın 22-dək çəkəcək.
