42,1 min nikah, 11,3 min boşanma
2019-cu ilin əvvəlindən Azərbaycan əhalisinin sayı 0,5 faiz artaraq sentyabr ayının 1-nə 10 milyon 35 min 351 nəfərə çatıb. Novator.az-ın məlumatına görə, Dövlət Statistika Komitəsi bildirir ki, əhalinin 49,9 faizi kişilər, 50,1 faizi qadınlardır.
Yanvar-avqust aylarında Ədliyyə Nazirliyinin qeydiyyat şöbələri 91 min 513 doğulan körpə qeydə alıb. Onların 53,3 faizi oğlan, 46,7 faizi qızdır.
8 ayda ölkədə 37 min 916 ölüm halı, 42 min 163 nikah və 11 min 317 boşanma rəsmiləşib.
Daxili İşlər Nazirliyi və Dövlət Miqrasiya Xidməti daimi yaşamaq üçün 1342 nəfər gələn, 1045 nəfər gedən qeydə alıb.
