Aclıq reytinqi
İrlandiyanın “Concern Worldwide” humanitar agentliyi və Almaniyanın “Welthungerhilfe” qeyri-hökumət təşkilatı 2019-cu il üzrə qlobal aclıq indeksi açıqlayıb. Novator.az-ın məlumatına görə, siyahıda yer alan 117 ölkə yaxşıdan pisə doğru prinsipi ilə sıralanıb.
Aclıqdan ən az əziyyət çəkən ölkənin Belarus olduğu bildirilir. İlk sıralarda Estoniya, Latviya, Litva, Türkiyə, Ukrayna da var.
Qazaxıstan qlobal aclıq indeksində 20-ci, Rusiya 22-ci, Azərbaycan 29-cu, Ermənistan 30-cu, İran 31-ci, Qırğızıstan 35-ci, Gürcüstan 40-cı, Özbəkistan 49-cu, Türkmənistan 54-cü sırada qərarlaşıb.
Aclıqdan ən çox əziyyət çəkən 5 ölkə bunlardır: Mərkəzi Afrika Respublikası, Yəmən, Çad, Madaqaskar, Zambiya.
