Hansı ölkə daha çox xeyriyyəçidir?
“Charities Aid Foundation” beynəlxalq xeyriyyə fondu reytinq açıqlayıb.
Novator.az bildirir ki, xeyriyyəçilik reytinqi ölkələrdə aparılmış sorğu əsasında hazırlanır, respondentin tanımadığı şəxsə kömək edib-etmədiyi, xeyriyyə təşkilatına ianə verib-vermədiyi, hansısa təşkilata könüllü vaxt ayırıb-ayırmadığı əsas götürülür.
Son 10 ili əhatə edən hesabata görə, ABŞ və Myanma əhalisinin 58%-i xeyriyyə məqsədli vəsait ayırır.
Yeni Zelandiyanın müvafiq göstəricisi 57%-dir.
İlk sıralarda Avstraliya , İrlandiya (56%), Kanada (55%), Böyük Britaniya (54%) və Niderland da (53%) yer alır.
Xeyriyyəçilik reytinqinin son sırasında – 126-cı yerdə 16%-lə Çin dayanır.
Azərbaycan xeyriyyəçilik sarıdan 99-cu yerdə qərar tutur. Son 10 ildə ölkə əhalisinin 24%-nin xeyriyyə məqsədli vəsait ayırdığı bildirilir.
İran 23-cü, Gürcüstan 112-ci, Ermənistan 114-cü, Rusiya 117-ci yerdədir.
