Neft hasilatının 9 ayı
Oktyabrın 11-də Energetika Nazirliyi yeni hesabat yayıb. Rəsmi məlumata görə, sentyabr ayında Azərbaycanın gündəlik neft hasilatı 755 min barrel olub. Yanvar-sentyabr ayları üzrə orta gündəlik hasilat 767 min barrel göstərilir.
Novator.az bildirir ki, yanvarda 793 min barrel, fevralda 806 min barrel, martda 798 min barrel, apreldə 683 min barrel, mayda 776 min barrel, iyunda 768 min barrel, iyulda 778 min barrel, avqustda 749 min barrel gündəlik hasilat qeydə alınıb.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt” markalı Azərbaycan neftinin bir barreli yanvara 57,19, fevrala 63,69, marta 67,62, aprelə 70,82, maya 75,55, iyuna 67,09, iyula 66,75, avqusta 67,44, sentyabra 60,85, oktyabra 63,36 dollarla start verib.
Oktyabrın 11-də “AzəriLayt”ın bir barreli 61,58 dollara satılır.
2019-cu ilin yanvar-avqust aylarında Azərbaycanın ixracının 77,4 faizi xam neft və xam neft məhsulları, 2,5 faizi neft məhsulları olub.
