Biri məlum
Avropa futbol çempionatının seçmə mərhələsində növbəti tur start götürüb. Novator.az-ın məlumatına görə, Azərbaycan milli komandasının yer aldığı E qrupunda iki oyun keçirilib: Xorvatiya Macarıstanı 3 cavabsız topla yenib, Slovakiya – Uels görüşü isə 1:1 hesabı ilə başa çatıb.
Hazırda Xorvatiyanın 13, Slovakiyanın 10, Macarıstanın 9, Uelsin 7, Azərbaycanın 1 xalı var.
E qrupundakı qalan oyunların təqvimi:
13 oktyabr
Macarıstan – Azərbaycan
Uels – Xorvatiya
16 noyabr
Azərbaycan – Uels
Xorvatiya – Slovakiya
19 noyabr
Uels – Macarıstan
Slovakiya – Azərbaycan.
55 milli komanda 10 qrupda mübarizə aparır. Final raunduna qruplarda ilk iki yeri tutan yığmalar adlayır.
10 oktyabr oyunlarından sonra İ qrupunda Belçika final mərhələsinə vəsiqəni təmin edib. Bu komandanın 21, Rusiyanın 18 xalı var.
A qrupunda ilk pilləni 12 xalla İngiltərə tutur. Çexiya 9 xalla ikincidir.
B qrupunda lider Ukraynanın 13, təqibçisi Portuqaliyanın 8 xalı var.
C qrupunda Hollandiya, Almaniya və Şimali İrlandiya hərəyə 12 xal toplayıblar.
D qrupunda İrlandiya 11 xalla birinci, Danimarka 9 xalla ikinci yerdədir.
F qrupunda 18 xalla İspaniya liderdir. İsveçin 11 xalı var.
G qrupunda Polşa öndə durur: 16 xal. Avstriya 13 xal əldə edib.
H qrupunda Türkiyə və Fransa 15, İslandiya 12 xal götürüb.
J qrupunda İtaliya 18 xalla liderlik edir. Finlandiya 12 xal toplayıb.
Avropa çempionatının final mərhələsi 2020-ci ilin yayında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
